Stesen KTM Komuter Serde Doh Sibuk Do'oh Lo Ni

Perkhidmate KTM Komuter ni ambo ghaso dah jale lebih 10 tahun.

Dulu stesen KTM Komuter di Serde ni tidak sibok mace lo ni. Pagi-pagi pon tak ghama oghe tunggu keretapi si'ni. Masa tu keada'e lalu-lintas ko Kolo Lupo pon tak sibuk sangat. Harga minyak pun tok membeba'e ke pengguna.

Ambo ingat lagi maso dulu-dulu tu, kalu pagi ni gak, kalu naik keretapi dari Serde ni mesti buleh duduk. Ada kosong lagi.

Tapi lo ni gak, dah ja'di sibuk do'oh doh. Kalu naik keretapi sebelum pukul 7.00 tu pun payah nak duduk. Denga ceghita saing hok naik di Kaje pun kalu dekat pukul 7.00 tu penuh doh tempat duduk.

Pah tu pulok tambah denga bas Rapid KL hok tunggu si'tu yak pa'gi lagi, de lagi campur denga pembina'e jejambat ko Balakong tu, yak pa'gi lagi kawase tu jadi sibuk do'oh doh.

Ambo pun heghe jugok la, nampak doh siap doh jejambat tu, tapi dia tak buko lagi la. Tak tahu bakpo la demo tu takse buka lagi tu.

Doh ja'di ka'ca wok yoh setagho tu pun nya takse buko lagi. Ambo ghaso kalu adik kakak tengok sediri keada'e pagi-pagi di setesen KTM Komuter Serde tu, ambo ghaso adik kakak pun ake setuju denga ambo.