Ghibut takdak, huje takdak, tiba-tiba kita denga beghita oghe Hungary tunjuk perasa'e sughuh PM dia letak jawate.
Sebelum tu kita takdak dengar gapo-gapo hok ye menarik ko, hok panah ko, tete Hungary ni. Kita po gamok ko stabil la dale negagha dia. Meme stabil po.
Tapi kalu oghe hok tak tau ceghita gak heghe la weh bakpo la demo ni buat tunjuk peras'e, selamo ni gak senyap ti'pah dale go gende?
Ada pita rakame la weh, hok bocor ko oghe awe, dale pita tu denga PM Hungary ghoyak dia ke'cek pelawak masa nge'pe pilihe raya bule April baghu ni.
"Ambu ni'pu pagi, ambo ni'pu pete," gitu la lebih kughe bunyi hok dia ke'cek dale pita rakame tu.
Hok, rakyat Hungary ni jadi nak ma'ghoh la sangat PM dia ni'pu. Tu ye buat tunjuk perasa'e tu.
Hok kita heghe lagi, ada rakyat di negagha-negagha lain tu dah tahu doh keraja'e tu ni'pu dia buat tak ca'gha jah. Bila sapa time ungundi gak, rakyat buleh pilih lagi parti memerintah hok ni'pu tu.
Adik kakak ghaso tak pelik ko benda lagu tu buleh berlaku?
0 ulasan:
Catat Ulasan