Ambo percaya adik kakak ingat lagi kepada peristiwa pe'ghe di Bosnia Herzegovina ye berlaku di tahun 90'en dulu tu.
Sebelum berlaku keganase oleh puak kritiye Serbia ke atas oghe-oghe Isle Bosnia, kita tak tau po ada negara/wilayah oghe di benua Eropah.
Ni kita buleh kata kes nyayo ke atas oghe Isle. Oghe Isle Bosnia di bawah pimpine Aliya Izetbegovitch istihar merdeka daripada Yugoslavia, oghe kristiye orthododox Serbia ni jadi maghah, tokse oghe Isle merdeka.
De ja'di lagu tu, negara-negara Eropah pa'kat buat tak ca'gha. Padahal selama ni demo ni gege do'oh bila berlaku pencabule hak asasi manusia, tetapi bila ja'di lagu tu di Bosnia demo ni mace suka benar oghe Isle ni di buat nyayo.
Jadi hok berlaku di Palestin de di Lubnan tu mace seghupa hak berlaku di Bosnia dulu tu. Oghe buke Isle buat nyayo ko oghe Isle, negara-negara Barat pa'kat dok diye belaka. Nampak do'oh demo ni suka kalu oghe Isle ni di bunuh lagu tu.
Bila oghe Isle Bosnia mula nak mengalahke puak Serbia, ho demo ni cepat-cepat nak bantu Bosnia, sebab dia tokse oghe Isle mena'e sepenuhnya.
Seghupa lah juga bila Hizbullah mula nak mengalahke puak Yahudi baghu lah PBB suruh gencate senjata.
Ni oghe Isle kena pehe benar sejarah. Oghe Isle mesti kena ada pertehene ye kuat dan semangat jihad tu kena ada sokmo. Baghu la kita oghe Isle ake selamat daripada ancame oghe-oghe jahat yang daghi kalange oghe kapir ni.
Guana adik kakak buleh setuju ko denga ambo?
0 ulasan:
Catat Ulasan