Ceghita oghe tak suka make budu

Dah ceghita budu mula-mula ni gak, ambo nak sebut sikit lagi la pasal budu ni.

Kalu oghe tak tau asal-usul budu ni dia kato mace "anak bu'du". Haa, adik kakak jange silap pehe. "Anak bu'du" tu anak katak. Budu tu asal ike bilih.

Tu ada oghe kata, oghe Kelate ni cerdik main politik. Sebab yak ke'cik lagi make budu. Ho laa, budu tu ke buat daghi ike bilih. Ke iken bilih itu banyak kalsium. Jadi kalu cukup zat kalsium ni gak otak jadi molek la.

Sebab tu ada pengkaji politik kata oghe Kelate ni pandai main demokrasi. Jadi tok wakil (wakil rakyat) Kelate ni dia kena jago hok rakyat. Kalu buat tak molek gak, 5 tahun lagi gak, alah la bila ngundi pilihe-ghayo tu.

Ada saing ambo tu, ada tok bese dia ni oghe luar. Doh gi maghi di ghumah dia ajak make nasi dengan budu. Bese dia tu tok se la, takut nak make budu ni.

"Tak apo la tok bese tok se make nasi denga budu gak. Nanti kita suruh kak nik dia buat nasi kerabu. Tok bese make ko nasi kerabu?"

"Kalau nasi kerabu, saya nak cuba lah, dengar kata sedap."

"Ho la. Molek la. Kita pa'kat make nasi kerabu la hari ni."

Tok bese dia tu tak tahu dale kuah nasi kerabu tu ada budu. Ho doh, nak buat guana, dale dia tak se make budu tu pun dia make nasi kerabu.....!!