Antara China dan Amerika

Kalu kita tenguk perkembangan dale masa 15 tahun ko haghi ni, kita napak sangat la Amerika jadi koho jahat de koho sombong.

Ye buat dia jadi lagu tu nya, sebab Soviet Union jatuh. Jadi dia ghasa dia sorang jah hok kuat nya. Sama la budak nakal kat kapo keh, kalu tak dak oghe beghani caba dia, dia jadi hamla do'oh la. Ja'di pa'la pengat la.

Mace tu la jugak Amerika ni. Dia ghasa dia soghe jah hok kuat dale dunia ni. Ikut sedap dia la nak dia nak sepak sapa, nak duku pa'la sapa. Oghe lain po senyap ti'pah tak baghani nak kata ga'pa.

Gitu la puak OIC po senyap bila Lubnan kena seghe ka Yahudi Israel tu. Jange kata nak kata huduh ko yahudi, nak panggil berside nak bice pasal nak tulong bagi derma po tak beghani. Ha tu ye ja'di koho agah Amerika ni.

Tapi ambo ghasa keada'e ni tak ake lama berlanjute. Sebab Allah tak ake biar dunia ni ja'di "uni-polar", sebab kalu teghuh meneghuh lagu tu, punah ghanah la bumi ni.

Ambo napok China lo'ni ake bangun de ake ja'di kuasa pengimbe kepada Amerika ni. Ha de lagi ambo ghasa oghe Isle koho makin naik. Kalu Israel hok oghe kata kuat tu po tak leh nak sekeh Hizbullah sene2 jah, jadi kalu ada negara kuat mace Hizbullah tu gak, koho takut la Amerika de yahudi ni.

Tu la ambo kata ambo suka do'oh la kalu Teruse Segenting Kra tu China wi pitih ko Siye biar dia gali teruse tu.

Guana, adik kakak setuju ko?