Hakikatnya Segenting Kra ni hok oghe Melayu. Ambo ghasa adik kakak tak ake kata buke. Sebab meme hok oghe Melayu.
Buleh jadi jugak la sebab tu la oghe Siye ni tak se buat teruse tu. Buleh jadi kalu buat gak, oghe Melayu ake maju la sikit. Ada la jale no ne'ga. Nak jual buah-buahe musim buah duriye ko, buah mo'te ko, buah dokong ko. Kalu nak jual air batu capo ko, ke molek tu.
Pah tu gak oghe Siye tu dia kata la sebab kawase tu tak stabil dari segi politik la, dia kata payah nak ambil tanah la, tak boleh dari segi ekologi la, ho la mace-mace lagi la.
Ambo ghaso gak buke semua kapal ake lalu ikut teruse Segenting Kra tu, ake tetap ada kapal ake lalu ikut Selat Melaka tu, tapi gak ake kughe la kapal hok lalu Singapura.
Mace mana po ambo agak teruse Segenting Kra ni ake jadi kenyata'e juga dalam masa 100 tahun akan date ni.
Adik kakak fikir mace mana, setuju ko?
0 ulasan:
Catat Ulasan